زيدو ساعة
و نقصو ساعة
شوار شواركم
نتوما عارفين فين كينة لمنفاعة
حنا جات معانا نعسة
شي مرتاح وشي شاد لعسة
وشي مات غير ب لفقسة
بصحاب تيك توك دايرين لينا رضاعة
ها لملولي ها لملالي
ها لكنوز ف ثلث لخالي
ها روتيني شوفو طياب ديالي
ولمواد كا تزاد ونتوما سمع و طاعة
ف عز رمضان جبتو لينا شيخة
ناض شيخ عطاهم تفرشيخة
حلينا فامنا حتى لضرسة لعقل وناري على تكليخة
واش فراسكم لمازوط فين وصل ياااا ناس جماعة
يعلم الله لي باقي جاي آش فيه
تقدر شاكيرا تشطح مع لفقيه
شغلو هذاك لي بغى يبكي يمشي لهيه
لمهم غير علقو لحجام راه غديا طيح صومعة
حتى زيادة بلا قانون
لخبز زادو فيه بلا بون
دارو لبقال مشكل مع زابون
لي فخباري ما تزادوش غير لملحة و لولاعة
شي ناس صوتنا عليهم ب لمحبة
سمحو فينا وخواو رحبة
أودي ݣاع جرى ولاد لكلبة
غير لمظاهير لي خداعة
سبع يام ديال لمشماش دبا تقادة
عيش مع حياتك سعادة
هنا راك مستافد ومدي ليفادة
واش تݣول لمولاك يوم تقوم ساعة
رشيد الجلولي
لست ربوت