محتويات المقال
درت ترازتي على راسي
وخرجت نتسارة
نددش ف دروب ليام
نفتش على سعدي
جبرت شلا بحالي يقاسي
شيوخ و عزارة
قتلهم تخمام
ف زمان سلك وعدي
مالقيت راحة ف فياقي ولا ف نعاسي
وَلَا حلمة ب بشارة
نعيش معاها ف لوهام
غير سويعة هذا جهدي
مطارق زمان تهدم ف ساسي
ضربة على ضربة بلا شطارة
تكمم لفام
و بموس حافي تسلخ ف جلدي
وسط غابة لحزان حبست نفاسي
ياااااادنيا شحال غذارة
لمدزي تعطيه ب لعرام
ولمسكين ف عظامو تكددي
لعدل حفرت قبرو ب فاسي
ودفنتو ف روضة نصارى
ودفنت معاه شلا كلام
بقات نارو ف قلبي تگدي
رميت ترازة وبدلت لباسي
لي ما جا بمحبة ما يجي بحزارة
عضيت ف صبر وزيرت لحزام
لي معدنو دهب ماعمرو يصدي
رشيد الجلولي
لست ربوت