ثنين وعشرين
عشرين
شلا مايتݣال والمسؤولين كثرو لفهامة
من بعد ما كنا مسرجين
هازين لحمل وصابرين
ليوم ركبو لين لجام وزيرو لحكامة
هذا منتوج فاسد وحتى فالثمن زايدين
كول وشرب وݣول بنين
إلى نتاقديه دوز الحبس ويزيدوك لغرامة
ثنين وعشرين
عشرين
حكم على لسانك
ودير لفمك لجامو
لا يضحكو عيك عديانك
تراب لي تحت رجليك مايوصلو مقامو
على براد أتاي اجمعو بيك جيرانك
والحكم لي صدر فيك ابحثو على رقامو
ثنين وعشرين
عشرين
هادي إذاعة لوسخ والويل والزبايل
مدحها وشكرها وهي عليك بالعفة
ما تقاطع
ماتكتب
إلى ݣلتي في حقها غير عطات ريحت جاڤيل
نطر العݣبة في عامين ويمنعو عليك حتى لݣفة
ثنين وعشرين
عشرين
كول جهدك
ولبس ݣدك
وݣول العام زين
رشيد الجلولي
لست ربوت