مابغيت منكم والو
أنا ماشي من هادوك لي على طمع ريوگهم سالو
كانطالب بحقي
نكون حتى أنا ب رزقي
نغرس ونسقي
ما نكون علَّة على بلادي
لي نفسو حارة هذا حالو
ما بغيت منكم والو
طمع طوال خيالو
يا نفسي بوحي
غوتي و صيحي
بغيت نضحي ب روحي
على مستقبل ولادي
نكسر ظلم وغلالو
مابغيت منكم والو
لكثاف ب لهم ثقالو
كلتو كيف بغيتو
ب لمسكين ما رضيتو
عزيتوه ف حياتو
لكثير منكم بحقو ينادي
وهو مثيقكم وزايد ف هبالو
مابغيت منكم والو
قيمة صوف ف تغزالو
الحق من عند الله يتخاد
مول لفلوس مع امزلوط يتگاد
لمرا و راجل يتساواو ف لعواد
هذا ما گالو جوادي
وهذا ما باح بيه لمجدوب ف قوالو
رشيد الجلولي
لست ربوت