زيت ب الدَّرهم وصل عشرين
لفلفلةومطيشة دارو جنحين
نتوما فين غاديين فين
تكايسو على لمسكين
غير هزو زرواطة
و زيدوكم لخباطة
شحطو فين بغيتو
لحمنا مات علينا
ولا بحال ظهر بحال لمساطة
كلشي غليتوه
لمواطن قهرتوه
لبستوه بردعة
وفمو لجمتوه
بعتو لبر
بعتو لبحر
نصلتو لحق
ولبستو لمنكر
بقى ليكم غير لهوى
ما لقيتو ليه فجوة
ركبو لينا مگانة ف صدر
وخليوها تعبر
تعبر شبر ب شبر
ولي شم كثر
غبرو ليه لآثر
لمسكين معضوض ب لفقر
تمارة مگادة ليه مع لعمر
عيا يساعف ويصبر
على حقو مابقى گد يهضر
حاني راسو لحجام
وفيه يحفحف ويجدر
زغبي صابر
ومكابر
على وعدو لي ما يهنيه
حتى يحفر ليه لقبر
يزرگو وسطو
ويرد عليه تراب ولحجر
رشيد الجلولي
لست ربوت