رحماني مقهور داوي لا تسولوه جيبو خاوي
مرض وزاد في السقام لا حكيم لا من يداوي
حياتو عامرة مشاكيل الحكرة والدرهم قليل
تاه في نصاصات الليل فبلادو ملقاش البديل
غيوم كحلة غطات سماه والمر شرب مدامو
الحق ما وقف معاه غبنو ونصر بالجهر ظلامو
بسبولة بدات القصة وشيوخ وبراول الكلام
وشعير وخضرة العرصة وبعدها تشكلت الأحلام
ماتو دواخلو بالفقسة ولسانو ثقال بالتمام
نهض ونفض غبارو ورغب في زيادة للقدام
شير بالسبول في دارو وحلق مع سرب الحمام
حديث الوسادة ما طول ورجع لقبيلتو زعفان
تخطيط كان عليه معول حقيقتو صبحات بهتان
لملم المناجل والخنشة وفكر يهجر مرة عشرانو
نعس وفاق في دهشة جبر جرار في طرف عيانو
تراجع وتفكر الفلاحة يحرث ويحمي خيراتها
يحصد ويرعى في الساحة النفع منها لوليداتها
جرار لعين مكشوف لعب وزوق لغة الحروف
همش الرحماني الأصيل ورحب بكل الضيوف
نهب ودمر وخرب والحقايق كلشي ملفوف
شطب خيراتها بحمالة وقدم عصيدة المعروف
دعاوي الشر تابعاه جنس قسيف ملهوف
بلادي بلادي بلادي الحق يرجع بالسيوف
حياتو عامرة مشاكيل الحكرة والدرهم قليل
تاه في نصاصات الليل فبلادو ملقاش البديل
غيوم كحلة غطات سماه والمر شرب مدامو
الحق ما وقف معاه غبنو ونصر بالجهر ظلامو
بسبولة بدات القصة وشيوخ وبراول الكلام
وشعير وخضرة العرصة وبعدها تشكلت الأحلام
ماتو دواخلو بالفقسة ولسانو ثقال بالتمام
نهض ونفض غبارو ورغب في زيادة للقدام
شير بالسبول في دارو وحلق مع سرب الحمام
حديث الوسادة ما طول ورجع لقبيلتو زعفان
تخطيط كان عليه معول حقيقتو صبحات بهتان
لملم المناجل والخنشة وفكر يهجر مرة عشرانو
نعس وفاق في دهشة جبر جرار في طرف عيانو
تراجع وتفكر الفلاحة يحرث ويحمي خيراتها
يحصد ويرعى في الساحة النفع منها لوليداتها
جرار لعين مكشوف لعب وزوق لغة الحروف
همش الرحماني الأصيل ورحب بكل الضيوف
نهب ودمر وخرب والحقايق كلشي ملفوف
شطب خيراتها بحمالة وقدم عصيدة المعروف
دعاوي الشر تابعاه جنس قسيف ملهوف
بلادي بلادي بلادي الحق يرجع بالسيوف
تحرير عبد الغني رشيق
لست ربوت